பாராளுமன்ற மாநிலங்களவை உறுப்பினர் திரு.கே.ஆர்.என்.இராஜேஸ்குமார் அவர்கள் முத்தமிழறிஞர் கலைஞர் அவர்களின் நூற்றாண்டு விழாவை முன்னிட்டு, இளைஞர்களுக்கான விளையாட்டு போட்டிகளை தொடங்கி வைத்து, விளையாட்டு வீரர்களுக்கு வாழ்த்துகளை தெரிவித்தார்.

பாராளுமன்ற மாநிலங்களவை உறுப்பினர் திரு.கே.ஆர்.என்.இராஜேஸ்குமார் அவர்கள் முத்தமிழறிஞர் கலைஞர் அவர்களின் நூற்றாண்டு விழாவை முன்னிட்டு, இளைஞர்களுக்கான விளையாட்டு போட்டிகளை தொடங்கி வைத்து, 

விளையாட்டு வீரர்களுக்கு வாழ்த்துகளை தெரிவித்தார். 

******

    நாமக்கல் மாவட்ட விளையாட்டு மைதானத்தில் இன்று (10.01.2024) பாராளுமன்ற மாநிலங்களவை உறுப்பினர் திரு.கே.ஆர்.என்.இராஜேஸ்குமார் அவர்கள், மாவட்ட ஆட்சித்தலைவர் மருத்துவர் ச.உமா, இ.ஆ.ப., அவர்கள் தலைமையில், சட்டமன்ற உறுப்பினர்கள் திரு.பெ.ராமலிங்கம் அவர்கள் (நாமக்கல்), திரு.கு.பொன்னுசாமி அவர்கள் (சேந்தமங்கலம்) ஆகியோர் முன்னிலையில், முத்தமிழறிஞர் கலைஞர் அவர்களின் நூற்றாண்டு விழாவை முன்னிட்டு, இளைஞர்களுக்கான விளையாட்டு போட்டிகளை தொடங்கி வைத்து, விளையாட்டு வீரர் மற்றும் வீராங்கனைகளுக்கு வாழ்த்துகளை தெரிவித்தார்.

பாராளுமன்ற மாநிலங்களவை உறுப்பினர் திரு.கே.ஆர்.என்.இராஜேஸ்குமார் அவர்கள் பேசியதாவது,

    மாண்புமிகு தமிழ்நாடு முதலமைச்சர் அவர்கள் இளைஞர்களின் நலனை கருத்தில் கொண்டு கல்வி, வேலைவாய்ப்பு, தொழில் முனைவோர்களை உருவாக்குதல் என பல்வேறு துறைகளில் திட்டங்களை செயல்படுத்தி வருகின்றார்கள். மேலும், இளைஞர்கள் விளையாட்டு போட்டிகளில் அதிகளவில் பங்கேற்க விளையாட்டு துறையிலும் புதிய திட்டங்களை செயல்படுத்தி வருகின்றார்கள். 

விளையாட்டு போட்டிகளில் வெற்றி பெற்று தமிழ்நாட்டிற்கு பெருமை சேர்க்கும் இளைஞர்கள் பயன்பெறும் வகையில், மாண்புமிகு தமிழ்நாடு முதலமைச்சர் அவர்கள், மாண்புமிகு இளைஞர் நலன் மற்றும் விளையாட்டு துறை அமைச்சர் அவர்கள் வழங்கிய கோரிக்கையை ஏற்று, அரசு பணியில் விளையாட்டு வீரர்களுக்கு 3 சதவிகிதம் இட ஒதுக்கீடு வழங்கியுள்ளார்கள்.                               

இன்றைய தினம் நடைபெறும் மாவட்ட அளவிலான இளைஞர்களுக்கான குழு விளையாட்டுபோட்டிகள் -கால்பந்து, கையுந்து பந்து மற்றும் கபாடி ஆகிய விளையாட்டு போட்டிகள், 10.01.2024 இன்று மற்றும் 11.01.2024 ஆகிய இரண்டு நாட்கள் நடைபெறவுள்ளது. கபாடி போட்டியில் வெற்றி பெறும் அணிக்கு முதல் பரிசு ரூ.20,000/-மும், இரண்டாம் பரிசு ரூ.10,000/-மும் மூன்றாம் பரிசு ரூ.5,000/- மும் வழங்கப்படும். கால்பந்து போட்டியில் வெற்றி பெறும் அணிக்கு முதல் பரிசு ரூ.25,000/-மும், இரண்டாம் பரிசு ரூ.20,000/-மும் மூன்றாம் பரிசு ரூ.10,000/- மும் வழங்கப்படும். கையுந்து பந்து போட்டியில் வெற்றி பெறும் அணிக்கு முதல் பரிசு ரூ.15,000/-மும், இரண்டாம் பரிசு ரூ.10,000/-மும் மூன்றாம் பரிசு ரூ.5,000/- மும் வழங்கப்படும். விளையாட்டு வீரர்களுக்கு எனது வாழ்த்துக்களை தெரிவித்துக்கொள்கிறேன் என பாராளுமன்ற மாநிலங்களவை உறுப்பினர் திரு.கே.ஆர்.என்.இராஜேஸ்குமார் அவர்கள் தெரிவித்தார்.

இந்நிகழ்ச்சியில் திட்ட இயக்குநர், மாவட்ட ஊரக வளர்ச்சி முகமை திரு.எம்.சிவக்குமார், மாவட்ட விளையாட்டு அலுவலர் திருமதி எஸ்.கோகிலா, அட்மா குழுத்தலைவர் திரு.அசோக் குமார் உட்பட உள்ளாட்சி பிரதிநிதிகள், துறை சார்ந்த அலுவலர்கள் மற்றும் விளையாட்டு வீரர்கள் கலந்து கொண்டனர்.