ரூ.2.20 கோடி மதிப்பீட்டில் கட்டப்பட்டுள்ள 6 புதிய கட்டடங்களை திறந்து வைத்தார்.
நாமக்கல் மாவட்டம், மோகனூர் ஊராட்சி ஒன்றியம், மணப்பள்ளி, காளிபாளையம், ஓலப்பாளையம் மற்றும் நன்செய் இடையார் ஆகிய பகுதிகளில் மாவட்ட ஆட்சித்தலைவர் மருத்துவர் ச.உமா, இ.ஆ.ப., அவர்கள் இன்று (03.03.2024)
ரூ.2.20 கோடி மதிப்பீட்டில் கட்டப்பட்டுள்ள 6 புதிய கட்டடங்களை நாமக்கல் நாடாளுமன்ற உறுப்பினர் திரு.எ.கே.பி.சின்ராஜ் அவர்கள், நகரமைப்பு மண்டல திட்டக்குழு உறுப்பினர் திரு.எஸ்.எம்.மதுரா செந்தில் அவர்கள் ஆகியோர் முன்னிலையில் திறந்து வைத்தார்.
மோகனூர் ஊராட்சி ஒன்றியம், மணப்பள்ளியில் ரூ.10.19 இலட்சம் மதிப்பீட்டில் புதியதாக கட்டப்பட்டுள்ள அங்கன்வாடி மையம், ரூ.69.09 இலட்சம் மதிப்பீட்டில் புதியதாக கட்டப்பட்டுள்ள மகளிர் சுய உதவிக்குழுக் கட்டடம், ரூ.23.57 இலட்சம் மதிப்பீட்டில் புதியதாக கட்டப்பட்டுள்ள ஊராட்சி மன்ற அலுவலக கட்டடங்களை மாவட்ட ஆட்சித்தலைவர் மருத்துவர் ச.உமா, இ.ஆ.ப., அவர்கள் திறந்து வைத்தார்.
மேலும், காளிபாளையத்தில் ரூ.81.40 இலட்சம் மதிப்பீட்டில் புதியதாக கட்டப்பட்டுள்ள மகளிர் சுய உதவிக்குழுக் கட்டடம், ஓலப்பாளையத்தில் ரூ.12.61 இலட்சம் மதிப்பீட்டில் புதியதாக கட்டப்பட்டுள்ள அங்கன்வாடி மையத்தினை திறந்து வைத்தார்.
தொடர்ந்து, நன்செய் இடையாரில், ரூ.22.65 இலட்சம் மதிப்பீட்டில் புதியதாக கட்டப்பட்டுள்ள ஊராட்சி மன்ற அலுவலக கட்டடங்கள் என மொத்தம் ரூ.2.20 கோடி மதிப்பீட்டில் கட்டப்பட்டுள்ள 6 புதிய கட்டடங்களை மாவட்ட ஆட்சித்தலைவர் மருத்துவர் ச.உமா, இ.ஆ.ப., அவர்கள் திறந்து வைத்தார்.
இந்நிகழ்ச்சியில், மாவட்ட ஊரக வளர்ச்சி முகமை திட்ட இயக்குநர் திரு.சு.வடிவேல், ஊரக வளர்ச்சி முகமை செயற்பொறியாளர் திரு.குமார், உள்ளாட்சி பிரதிநிதிகள் மற்றும் துறை சார்ந்த அலுவலர்கள் உட்பட பலர் கலந்து கொண்டனர்.
0 கருத்துகள்